Ziara ya Waziri Mkuu Wilayani Chunya

News August 1, 2017 0 Comments

Waziri Mkuu, Kassim Majaliwa akisalimiana na Mwenyekiti wa Makampuni ya SUNSHINE GROUP, Betty Mkwasa wakati alipotembelea mtambo wa kusafisha dhahabu wa Sunshine Mining Limited uliopo Chunya.

Waziri Mkuu, Kassim Majaliwa akipata maelezo kutoka Dennis Dillip ambaye ni Mjiolojia kuhusu mtambo wa kusafisha dhahabu wa kampuni ya Sunshine Mining Limited uliopo Chunya wakati alipoutembelea Agosti 1, 2017.

Waziri Mkuu, Kassim Majaliwa na Mkuu wa Mkoa wa Mbeya, Amos Makalla wakipata Maelezo kutoka kwa Afisa Madini wa Mkoa wa Mbeya Mhandisi Said Mkwawa kuhusu taarifa za Kampuni ya Sunshine Gold Mininga Limited wakati alipotembelea mtambo wa kusafisha dhahabu wa kampuni hiyo wilayani Chunya.

Waziri Mkuu, Kassim Majaliwa akifurahia wimbo maalum unaozungumzia utendaji wa Serikali ya Awamu ya Tano ulioimbwa na Kwaya maarufu ya Kiwete katika mkutano wa hadhara uliohutubiwa na Waziri Mkuu kwenye uwanja wa Sabsaba mjini Chunya

Waziri Mkuu, Kassim Majaliwa akihutubia mkutano wa hadhara kwenye uwanja wa Sabasaba  mjiini Chunya Agosti 1, 2017.  Alikuwa katika ziara ya mkoa wa Mbeya.

Waziri Mkuu, Kassim Majaliwa akipokea mkuki  kutoka kwa Mbunge wa Lupa, Victor Mwambalaso ikiwa ni ishara ya kusimikwa kuwa Chifu wa makabila ya Wakimbu na Wasafa katika mkutano wa hadhara aliouhutubia  kwenye uwanja wa Sabasaba mjini Chunya Agosti 1, 2017. (Picha na Ofisi ya Waziri Mkuu)

2 MPANGO MKAKATI WA HAKIELIMU 2017 – 2021 (MUHTASARI)
Dondoo muhimu kuhusu HakiElimu
HakiElimu ilianzishwa mwaka 2001 na kundi la Watanzania 13 ambao waliweka nia thabiti na dhamira ya
dhati na ya muda mrefu kuleta mabadiliko kwenye elimu ya umma kwa watoto wote.
Dira
Kuwa na Tanzania yenye uwazi, haki na demokrasia ambapo watu wote wanafurahia haki ya kupata elimu
bora inayokuza usawa, ubunifu na kufikiri kiyakinifu.
Dhamira
Kuwawezesha watu kubadilisha elimu, ndani na nje ya shule; kushawishi utungaji wa sera na utekelezaji
wenye ufanisi; kuchochea mijadala bunifu ya umma na mabadiliko ya kijamii; kufanya tafiti, uchambuzi wa
sera na utetezi na kushirikiana na wadau ili kukuza ushiriki wa wananchi, uwajibikaji, uwazi na haki za kijamii.

 

 

 

 

 

 

 

 

 

 

 

 

 Unashirikije Kuleta Maendeleo Kijijini Kwako

Utangulizi

Ushirikishaji Jamii ni jambo muhimu sana katika kufanikisha shughuli za maendeleo. Ushiriki na ushirikishaji

jamii unapaswa kuwa katika hatua zote za maendeleo ya mradi, yaani kuanzia kwenye kubuni mradi, kupanga

gharama na shughuli nzima ya utekelezaji wa mradi ikiwa ni pamoja na ufuatiliaji na tathimini ya mradi huo.

Miradi mingi ikiwemo ya elimu haifanikiwi kwa sababu tu ya kuwatenga na kutowashirikisha wananchi

katika mchakato mzima wa maamuzi ya uanzishaji, utekelezaji, ufuatiliaji na tathmini ya miradi husika.

Lengo la kitabu hiki ni kufikisha ujumbe kwa makundi mbalimbali ya kijamii, wakiwemo viongozi kuhusu

umu-himu wa kuwashirikisha wananchi katika michakato muhimu ya maamuzi kwa ajili ya maendeleo ya

jamii. Kwa upande mwingine, kitabu hiki kinalenga pia kuwakumbusha wananchi juu ya umuhimu wao

kujihusisha na mambo ya msingi ambayo serikali au viongozi wao wanawaletea, iwe mitaani au vijijini

mwao. Kwa bahati mbaya wengi wao hawashiriki kikamilifu hata pale fursa zinapopatikana kwa kusingizia

kuwa na majukumu mengine hivyo kushindwa kushiriki katika miradi ya jamii ikiwemo ya shule. Aghalabu

hushindwa hata ku-washinikiza viongozi wao kuwashirikisha au kutekeleza miradi yao kwa mujibu wa

mipango mikakati. Matokeo yake ni kudumaa kwa miradi hiyo na maendeleo kwa jumla.

Nini Kifanyike kwa Viongozi na Wanajamii

Ni wazi, ushiriki au ushirikishaji wa wananchi katika michakato ya maamuzi, utekelezaji na usimamizi wa

miradi unachangia kwa kiasi kikubwa kuimarika kwa huduma na uwajibikaji wa kila mdau kwa mradi husika.

Aidha, ushiriki na ushirikishwaji unaimarisha umiliki na usalama wa miradi ya jamii kwa kuwahusisha

wananchi wenyewe. Vilevile, ushiriki na ushirikishaji wa wananchi unachangia kwa kiasi kikubwa kuepusha

migogoro isiyo na tija ndani ya jamii

THE NGO

TWAWEZA yabaini Watanzania wana imani na mpango wa elimu bure.

Utafiti wa Taasisi ya Twaweza umebaini asilimia 88 ya Watanzania wanaimani na ahadi ya elimu bure kutekelezwa katika muda uliopangwa huku asilimia 76 wakiamini elimu hiyo kuwa na ubora zaidi.
Katika utafiti huo asilimia 15 wanaamini elimu bure haitaboresha elimu kutokana na ongezeko kubwa la uandikishwaji wa wanafunzi ambao utatumia rasilimali nyingi.
Matokeo hayo yametolewa na Twaweza kwenye muhtasari wa utafiti wenye jina la Mwanga Mpya kupitia takwimu zilizokusanywa kati ya Desemba 10, mwaka jana na Januari 2, mwaka huu kwa upande wa Tanzania Bara.
Pamoja na wananchi kuwa na imani na ahadi ya elimu bure wengi wamekuwa na mitazamo tofauti juu ubora wa elimu ya msingi katika kipindi cha miaka 10 iliyopita ambapo asilimia 49 wanasema ubora wa elimu umeongezeka na asilimia 36 wakibainisha kuwa elimu imezorota huku asilimia 14 wakisema hakuna mabadiliko yeyote.
Utafiti huo umebainisha kuwa wazazi wengi walikuwa wanaelemewa na michango ya shule ambapo wazazi na walezi 9 kati ya 10 huchangia elimu katika shule za umma.
Asilimia 89 ya wazazi wanakiri kulipa michango shuleni na asilimia 80 wakiripoti kulipa mpaka Sh50000 kwa mwaka huku asilimia 8 wakilipa zaidi ya Sh 100,000 kwa mwaka.
Utafiti huo pia umebainisha kuwa asilimia 37 ya wananchi wanaamini kuna uhusiano wa karibu kati ya jitihada za mwalimu na matokeo ya darasa la saba.

Mandhali katika chuo cha Maeneleo ya Wananchi Msaginya katika maeneo na matukio mbalimbali